2023-жылдын 19-январында Б.Сыдыков атындагы Кыргыз-Өзбек Эл аралык университетинин медициналык колледжинин директору Р.М.Джумаев Германиялык EDUVISO-Германия программасынын жетекчиси Штефан Шандера (Германия), EDUVISO-Кыргызстан программасынын жетекчиси Айганыш Ботбаева (Бишкек), EDUVISO-Ош программасынын өкүлдөрү Сарыкбаев Жумагүл, Ганыбаева Сейилгүл жана Камбаралиева Жылдыз менен жолугушуу өткөрдү. Жолугушуунун жүрүшүндө EDUVISO программасынын алкагында адистерди даярдоонун өзгөчөлүктөрү, студенттерге коюлган талаптар, алардын сабактарга катышуусу, жетишүүсү, тартиби жана университеттин коомдук иштерине катышуусу жөнүндө пикир алмашуу болду. Ошондой эле студенттер үчүн түзүлгөн шарттар, алардын кесиптик даярдыгы менен катар тил үйрөнүү курстарындагы окутуу процесстери боюнча маалыматтар талкууланды.
Жолугушуунун акырында медициналык колледжде EDUVISO-Ош программасынын адистери үчүн даярдалган кабинет менен таанышуу болуп, мындын ары ушундай жолугушууларды маал-маалы менен өткөрүп туруу макулдашылды.
