Амиракулова Айчүрөк Сапарбаевна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН башчысы.
1983-жылы 15-апрелде Ош областынын Өзгөн районуна караштуу Куршаб айылында туулган. 1989-жылы Куршаб айылындагы, А.Тангатаров атындагы интернат-гимназиясынын биринчи классына кирип, мектепти 1999-жылы аяктаган. Ошол эле жылы билим алууну улантуу максатында Ош Мамлекеттик университетинин медициналык факультетине тапшырган. 2005-жылы бул университетти артыкчылык диплому менен бүтүрүп, «Дарылоо иши» адистиги боюнча «Врач дарылоочу» квалификациясына ээ болгон. 2005-2007-жылдары КММА, КММКДжАЖИ Оштогу дипломдон кийинки билим берүү борборунда клиникалык ординатура бөлүмүндө «Терапевт дарыгер» адистигин аяктаган. Эмгек жолун 2008-жылы КӨЭАУнун медициналык колледжинин терапиялык сабактар бирикмесинде “Үй-бүлөлүк медицина” жана “Терапия” сабактарынын окутуучусу болуп иштөөдөн баштаган. 2011-жылдын сентябрынан баштап А.С.Амиракулова КӨЭАУнун медициналык колледжинин терапиялык сабактар бирикмесинде жетекчи болуп жигерлүү эмгектенип келген. 2024-жылдан баштап, КӨЭАУнун Терапия, педиатрия жана акушердик бирикмесинин башчысы болуп шайланып, 18 окутуучуну башкарып келет. Үй-бүлөлүү 2 уул 3 кыздын сүйүктүү энеси.
Студент жаштарга билим, тарбия берүүгө кошкон салымы жана окуу жайдагы үзүрлүү эмгеги үчүн КӨЭАУнун “Ардак грамотасы” менен сыйланган. 2017-жылы көп жылдык үзүрлүү эмгеги, ийгиликтери, келечектин жаш муундарын окутуп тарбиялоодогу жетишкендиктери жана Билим Берүү тармагына кошкон салымы үчүн КР Билим берүү жана илим министрлигинин “Ардак грамотасы” менен сыйланган. 2021-жылы Ош шаардык кенешинин АРДАК ГРАМОТАСЫ менен сыйланган.
Солиева Мухаббат Уктамовна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1972-жылы 23-январда Ош шаарында туулган. 1979-жылы Ош шаарындагы №22 «Октябрь 50-жылдыгы» атындагы мектебинин биринчи классына кирип, мектепти 1989-жылы аяктаган. Ошол эле жылы билим алууну улантуу максатында Андижан Мамлекеттик медицина институтуна тапшырган. 1989-жылдан-1995-жылга чейин Андижан медициналык институтунда окуп, аны артыкчылык диплому менен бүтүргөн. Эмгек жолун 1995-жылы ОМОКБда интернатурадан баштаган. 1996-жылдан-2005-жылга чейин №1 ЦСМде үй-бүлөлүк дарыгер болуп эмгектенген. 2005-жылдан бери Батыралы Сыдыков атындагы Кыргыз-Өзбек Эл аралык университетинин медициналык колледжинин Терапиялык сабактар бирикмесинде, бүгүнкү күнү терапия, педиатрия жана акушердик сабактар бирикмесинде окутуучу болуп эмгектенип келет. Үй-бүлөлүү, 1 уул 3 кыздын ажарлуу энеси. Студент жаштарга билим, тарбия берүүгө кошкон салымы жана окуу жайдагы үзүрлүү эмгеги үчүн КӨЭАУнун “Ардак грамотасы” менен сыйланган. 2023-жылы Медициналык колледждин грамотасы менен сыйланган.
Урбай кызы Нуржамал ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1983-жылдын 6-апрелинде Ош областынын Өзгөн районуна караштуу Мырза-Арык айылында туулган. Ошол эле айылдын 1990-жылы “Б. Асранкулов” атындагы орто мектептин босогосун аттаган. 2000-жылы мектепти аяктап, ошол жылы жогорку окуу жайга тапшырган. Ош Мамлекеттик университитетинин медициналык факультетинде окуп, 2006-жылы аны ийгиликтүү аяктаган. 2006-2008-жылдары клиникалык ординатурасын аяктап, «Врач-офтальмолог» деген сертификатына ээ болгон. Эмгек жолун 2008-жылы УВД поликлиникасында врач — офтальмолог болуп иштөөдөн баштаган. 2012-2014-жылы Р.Ф.Москва шаарында «Соммедэксперт» жеке медициналык борборунда врач-офтальмолог болуп иштеген. 2014-жылы дипломдон кийинки медициналык билим берүү факультетинин интернатурасында окуп, аны бүтүрүп, «Врач-терапевт» адистиги боюнча сертификат алган. 2014-жылдын сентябрь айынан баштап, Батыралы Сыдыков атындагы Кыргыз-Өзбек Эл аралык университетинин медициналык колледжинин терапиялык сабактар бирикмесинде, азыркы учурда терапия, педиатрия жана акушердик сабактар бирикмесинде «Жугуштуу оорулар» сабагынан окутуучулук кызмат ордунда эмгектенип келет. Медициналык колледждин грамотасы менен сыйланган. Учурда 1 кыз 1 уулдун сүйкүмдүү энеси.
Рахманова Замира Абдразаковна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1986-жылы 9-февралда Жалал-Абад областында Жалал-Абад шаарында туулган. 1993-жылы №14 лицей босогосун аттаган. 2004-жылы мектепти аяктап, ошол эле жылы Ош Мамлекеттик университетинин медициналык факультетине тапшырган. 2010-жылы Дарылоо иши адистигин ийгиликтүү аяктаган. Ошол эле жылы Ош шаардык төрөт үйүндө клиникалык интернатурасын өтөп, 2011-жылы ийгиликтүү аяктап, «Акушер-гинеколог» квалификациясына ээ болгон. Эмгек жолун 2014-жылы КӨЭАУнун медициналык колледжинин терапиялык сабактар бирикмесинде «Терапия» сабагынын окутуучусу катарында баштаган. 2015-жылы «Дарыгер терапевт» сертификатына ээ болгон.Азыркы учурда терапия, педиатрия жана акушердик сабактар бирикмесинде «Терапия» жана «Гериатриядагы медайым иши» сабактарынын окутуучусу катарында иштеп келе жатат. Студент жаштарга билим, тарбия берүүгө кошкон салымы жана окуу жайдагы үзүрлүү эмгеги үчүн КӨЭАУнун “Ардак грамотасы” менен сыйланган. Учурда 2 уул 1 кыздын энеси.
Камилова Феруза Абдумуталовна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1982-жылы 1-июлда Андижан областынын Джалалкудук районуна караштуу Катартал айылында туулган. 1989-жылы 60-жылдык орто мектептин босогосун аттап, 1999-жыл мектепти аяктап, ошол эле жылы Ош Мамлекеттик университетинин медициналык факультетинин «Дарылоо иши» адистигине тапшырган. 2005-жылы бул университетти артыкчылык диплому менен бүтүрүп, «Врач дарылоочу» квалификациясына ээ болгон. 2005-2007-жылдары КММА, КММКДжАЖИ Оштогу дипломдон кийинки билим берүү борборунда клиникалык ординатура бөлүмүндө «Терапевт дарыгер» адистигин аяктаган. 2007-жылынан баштап, ЦСМ№1 Филиал№1 поликлинасында терапевт дарыгер болуп иштеген. 2012-жылдын сентябрь айынан КӨЭАУнун медициналык колледжинин терапиялык сабактар бирикмесинде, азыркы учурда терапия, педиатрия жана акушердик сабактар бирикмесинде окутуучу болуп эмгектенип келет. «Самый лучший видеоурок» конкурсунан 3чу орунду утуп алган. Медициналык колледжинин грамотасы менен сыйланган. Учурда 2 кыз 1 уулдун ажарлуу энеси.
Юсупова Бактыгүл Эрмековна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1987-жылы 25-ноябрда Ош областына караштуу Төлөйкөн айылында туулган. 1994-жылы айылдын “Жолон Мамытов” атындагы орто мектебине 1-класска кадам таштап, 2005-жылы ийгиликтүү аяктаган. Ошол эле жылы Ош Мамлекеттик университетинин медициналык факультетине тапшырып, 2011-жылы «Дарылоо иши» адистиги боюнча «Врач дарылоочу» квалификациясына ээ болгон. 2011-2012-жылга чейин клиникалык интернатурасын Ош шаардык клиникалык ооруканасында өтөп, «Даарыгер-терапевт» сертификатын алуу менен аяктаган. 2013-жылы КӨЭАУнун медициналык колледжинин терапиялык сабактар бирикмесине «Терапия» сабагынын окутуучу болуп жумушка кирген жана азыркы учурда терапия, педиатрия жана акушердик сабактар бирикмесинде жигерлуу эмгектенип келүүдө. Студент жаштарга билим, тарбия берүүгө кошкон салымы жана окуу жайдагы үзүрлүү эмгеги үчүн КӨЭАУнун “Ардак грамотасы” менен сыйланган.
Еркинбаева Эркайым Асановна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1986-жылы 11-августта Жалал-Абад облусуна караштуу Сузак районунун Кара-Дарыя айылында туулган. 1993-жылы айылындагы «Абдукаимов» атындагы орто мектебинин 1- классына кадам таштаган. 2004-жылы орто мектепти аяктап, ошол эле жылы Ош Мамлекеттик Университетинин медициналык факультетине тапшырган. 2011-жылы университетти аяктап, 2012-жылы ОМОКБда интернатурасын өтөп, «Даарыгер невропатолог» адисине ээ болгон. 2011-жылы июль айында ЦСМ№9 поликлиникасында дарыгер- невропатолог болуп жумушка орношкон. 2014-жылы «Травматическое поражение ЦНС» темасында квалификациясын жогорулаткан. 2014-жылы Кыргыз-Өзбек Эл аралык университетинин медициналык колледжинин терапиялык сабактар бирикмесине неврологиядагы медайым иши наркология курсу менен сабагынын окутуучусу катарында жумушка кабыл алынган. Азыркы учурда терапия, педиатрия жана акушердик сабактар бирикмесине окутуучулук жумушун улантып келуудо. Медициналык колледждин грамотасы менен сыйланган. Үй-бүлөлүү, 3 уул 2 кыздын ажарлуу энеси.
Айтбек кызы Чолпон ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1996-жылы 9-декабрда Ош облусунун Кара — Кулжа районуна караштуу Кан-Коргон айылында туулган. 2003-жылы Жусуп Мамыр атындагы орто мектебине 1-класска барып, 2013-жылы ийгиликтүү аяктаган. Ошол эле жылы Ош Мамлекеттик университетинин медициналык факультетине тапшырып, 2020-жылы «Дарылоо иши» адистиги боюнча «Врач дарылоочу» квалификациясына ээ болгон. Университетти 2020-жылы аяктап,ординатурага тапшырган. 2022-жылы семейный врач адистигине ээ болгон. 2022-2023-жылдары ОшМУнун эпидемиология, микробиология жана жугуштуу оорулар кафедрасына “Микробиология” сабагынын окутуучусу катарында жумушка алынган. 2023-жылдын 1-сентябрынан КӨЭАУнун медициналык колледжинин терапиялык сабактар бирикмесине «Жугуштуу ооруларындагы мед.айым иши КИВ-инфекциясы менен” сабагынан окутуучу болуп жумушка кирип, учурда терапия, педиатрия жана акушердик сабактар бирикмесинде эмгектенип келүүдө. Азыркы учурда 2 баланын апасы.
Эмилова Кенжегуль Аманбаевна
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1978-жылдын 20-майында Ош шаарына караштуу “Кеңеш” айылында туулган. 1985-жылы ошол эле айылдын №30 “А.Алиев”атындагы орто мектебинин босогосун аттаган. 1995-жылы мектепти аяктап, жогорку окуу жайга даярдоо курсунда окуган. 1996-жылы Ош Мамлекеттик университитетинин медициналык факультетине тапшырып, 2002-жылы аны ийгиликтүү аяктаган. 2002-2004-жылдары клиникалык ординатурасын аяктап, «Врач-терапевт» сертификатына ээ болгон. Эмгек жолун 2009-жылы ЖОКБнын кардиореанимация бөлүмүндө врач кардиореаниматолог болуп иштөөдөн баштаган жана 2016-жылы ошол эле оорукананын жасалма бөйрөк бөлүмүндө уланткан. 2023-жылдын сентябрь айынан баштап, Батыралы Сыдыков атындагы Кыргыз-Өзбек Эл аралык университетинин медициналык колледжинин терапиялык сабактар бирикмесинде айкалыштыруунун негизинде жумушка кабыл алынып, азыркы учурда терапия, педиатрия жана акушердик сабактар бирикмесинде штаттык окутуучу катарында жумушун улантып келуудо. Учурда 4 кыз 1 уулдун сүйкүмдүү энеси.
Жамалова Тазагуль Жаныбековна
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
Жамалова Тазагуль Жаныбековна 1992-жылы 26-августта Ош областына караштуу Кадамжай районунун Кара-Дөбө айылында туулган. 1998-жылы А.Темирбаев атындагы №47 орто мектебинин 1-классына кадам таштаган. 2009-жылы мектепти аяктап, ошол эле жылы Ош Мамлекеттик университетинин медициналык факультетинин “Дарылоо иши” адистигине тапшырган. 2011- жылы И.К. Ахунбаев атындагы Кыргыз Мамлекеттик медициналык академиясынын “Дарылоо иши” адистигине которулат. 2016-жылы ушул эле окуу жайды ийгиликтүү аяктап, Врач дарылоочу дипломуна ээ болот. 2018-жылы КММА, КММКДжАЖИ Оштогу дипломдон кийинки билим берүү борборунда клиникалык ординатура бөлүмүндө «Терапевт дарыгер» адистигин аяктаган. 2018-жыл Кыргыз-Өзбек университетинин медициналык колледжинин терапиялык сабактар бирикмесинде азыркы учурда терапия, педиатрия жана акушердик сабактар бирикмесине окутуучу болуп эмгектенүүдө.
Калилова Айсулуу Борубаевна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
Калилова Айсулуу Бөрүбаевна 1979-жылы 13-сентябрда Ош областына караштуу Ноокат районунун Көк-Жар айыл өкмөтүнүн Борбаш айылында туулган. 1986-1996-жылы Борбаш орто мектебин аяктаган. 1996-2003-жылы Кыргыз Мамлекеттик Медициналык Академиянын педиатрия болумун артыкчылык диплому менен аяктап, “Педиатр” адистигине ээ болгон. 2003-2005-жылы Ош шаардык клиникалык төрөт статционары базасында клиникалык ординатураны аяктап “Акушер-Гинеколог” адистигине ээ болгон. 2005-жылы Ош медициналык колледжинде ардактуу “Акушер, гинеколог” мугалими жана “Жаштар комитетинин торайымы” болуп иштеген. 2012-жылдан тартып, Батыралы Сыдыков атындагы Кыргыз-Өзбек Эл аралык университетинин медициналык колледжинин педиатрия, акушердик жана гинекология бирикмесинде азыркы учурда терапия, педиатрия жана акушердик сабактар бирикмесинде окутуучу катарында иштеп келе жатат. Студент жаштарга билим, тарбия берүүгө кошкон салымы жана окуу жайдагы үзүрлүү эмгеги үчүн КӨЭАУнун “Ардак грамотасы” менен сыйланган. Үй-бүлөлүу, 5 баланын мээримдүү апасы.
Тоокебаева Айчурок Аскарбековна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1985-жылдын 4-февралында Ош областына караштуу Алай районунун Сопу-Коргон айылында туулган. 1992-жылы Алай районунун Сопу-Коргон айылындагы Токтогул атындагы орто мектебинин босогосун аттап, 2003-жылы артыкчылык аттестаты менен аяктаган. 2004-2010-жылдары Ош мамлекеттик университетинин медициналык факультетинин “Дарылоо тиши” адистигин аяктап, врач дарылоочу квалификациясына ээ болгон. 2010-2011-жылдары Ош шаардык клиникалык төрөт статционары базасында клиникалык ординатураны аяктап, “Акушер-Гинеколог” адистигине ээ болгон. 2012-жылдан тартып “Батыралы Сыдыков атындагы Кыргыз-Өзбек Эл аралык университетинин” медициналык колледжинин “Педиатрия, акушердик жана гинекология” сабактар бирикмесинде билим берип иштеп келе жатат. 2009-жылдан тартып “Батыралы Сыдыков атындагы Кыргыз-Өзбек Эл аралык университетинин” медициналык колледжинин терапия, педиатрия жана акушердик сабактар сабактар бирикмесинде билим берип иштеп келе жатат. Үй-бүлөөлү, 6 баланын сүйүктүү апасы.
Маматалиева Багдадгул Меликозиевна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1984-жылы 8-сентябрда Ош областына караштуу, Кара-Суу районунун, Ишкаван айылында туулган. 1991-1999 — жылдары Кара-Суу районунун Ишкаван айылында №16 Я.М.Свердлов атындагы орто мектебин артыкчылык күбөлүгү менен аяктаган. 1999-2002-жылдары Ош соода-экономикалык колледжинде билим алып, финансы кредит адистигине ээ болгон. 2002-жылы алган билимин жогорулатуу максатында Ош Мамлекеттик университетинин медициналык факультетине тапшырган. 2008-жылы «Дарылоо иши» адистиги боюнча «Врач дарылоочу» квалификациясына ээ болгон. 2008-2010-жылдары Ош шаардык перинаталдык борбордо дипломдон кийинки медициналык билим алуу борборунун базасында клиникалык ординатураны аяктап, “Акушер-гинеколог” адистигине ээ болгон. 2010-жылдан бери Батыралы Сыдыков атындагы Кыргыз-Өзбек Эл аралык университетинин медициналык колледжинин педиатрия, акушердик жана гинекология бирикмесинде окутуучу катарында жана Ош облустук аймактык ооруканын тєрєт үйүнүн, тєрєт бєлүмүндє даарыгер акушер-гинеколог болуп иштеп келе жатат. Азыркы учурда медициналык колледждин терапия, педиатрия жана акушердик сабактар бирикмесинде жумушун улантып келуудо. Үй-бүлөлүү, 4 баланын мээримдүү апасы.
Бегалиева Гулкан Абдимомуновна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1978-жылдын 20-июнь айында Ош областына караштуу, Кара-суу районунун Правда айылында туулган. 1984-1995-жылдары Ош областынын Кара-суу районунун Правда айылына караштуу “Правда” орто мектебин окуп, аяктаган. 1996-2002-жылдары Ош Мамлекеттик университетинин медициналык факультетинин “Дарылоо иши” адистигин аяктап, врач дарылоочу квалификациясына ээ болгон. 2002-2004-жылдары Ош облустук аймактык клиникалык ооруканаасынын төрөт стацонарында базасында клиникалык ординатураны аяктап, “Акушер-гинеколог” адистигине ээ болгон. 2005-жылдан 2019-жылга чейин Ош шаардык клиникалык ооруканасынын төрөт стационарында врач Акушер-гинеколог болуп иштеген. 2019 — жылдан тартып Батыралы Сыдыков атындагы Кыргыз-Өзбек Эл аралык университетинин медициналык колледжинин педиатрия,акушердик жана гинекология бирикмесинде, 2024-жылдан терапия, педиатрия жана акушердик сабактар бирикмесинде окутуучу катарында студенттерге билим берип, иштеп келе жатат. Үй-бүлөлүу, 3 баланын мээримдүү апасы.
Сайдимарова Жумагүл Сайдимаровна ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1996-жылдын 26-январында Баткен облусунун Баткен районуна караштуу Достук айылында туулган. 2003-жылы Достук атындагы орто мектебине 1-класска барып, 2013-жылы ийгиликтүү аяктаган. Ошол эле жылы Ош Мамлекеттик университетинин медициналык факультетине тапшырып, 2020-жылы «Балдар-Дарыгери» квалификациясына ээ болгон. 2020-2023-жылдары ОшМУнун клиникалык ординатурасын аяктап, Неонатология адистиги боюнча Дарыгер квалификациясына ээ болгон. 2022-жылдан бери Ош облусттар бириккен клиникалык ооруканасынын төрөт стационарында врач неонатолог болуп эмгектенип келүүдө. 2024- жылдын 2-октябрынан баштап КӨЭАУнун медициналык колледжинин терапия, педиатрия жана акушердик сабактар бирикмесинин педиатриядагы медайым иши, педиатрия балдардын жугуштуу оорулары менен сабагынын окутуучусу болуп эмгектенип жатат.
Абдувайип кызы Айзат ↪ портфолио
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН окутуучусу.
1991-жылы 24-мартта Ош шаарында Абдыкадырова көч 197/28. 1997-жылы И. Раззаков аттындагы орто билим беруу мектебине кадам таштап, 2008-ж аяктаган. 2008-жылы ОшМУнун медициналык факультетинин «Педиатрия» адистигине тапшырган. 2014-жылы окууну ийгиликтүү аяктап, Даарыгер квалификациясына ээ болгон. 2014-2015-жылдары ОшМУ дипломдон кийинки билим берүү борборунун базасында неонатолог врач адистигине ээ болду. 2015жылдан бери ОМОКБнын төрөт стационарында наристелерди жандандыруу бөлүмүндө эмгектенип келүүдө. 2024-жылдын 2-октябрынан баштап КӨЭАУнун медициналык колледжинин терапия, педиатрия жана акушердик сабактар бирикмесинин педиатриядагы медайым иши, педиатрия балдардын жугуштуу оорулары менен сабагынын окутуучусу болуп эмгектенип жатамын. Үй-бүлөлүү, 2 баланын энеси.
Асанова Жаңылай Асановна
ТЕРАПИЯ, ПЕДИАТРИЯ ЖАНА АКУШЕРДИК САБАКТАР БИРИКМЕСИНИН лаборанты
16-март 1991-жылы Ош областына караштуу Ош шаарынын Озгур айылында туулган.
1997-жылы №33 С.Алымкулов атындагы орто мектебине 1-класска кадам таштап, 2008-жылы мектепти ийгиликтүү аяктап, ошол эле жылы академик М.М Адышев атындагы Ош Технологиялык Университетинин Табигый техникалык факультетинин «Колдонмо математика жана информатика» адистигине тапшырып, 2013-жылы ошол эле адистиги боюнча математик, системалык программист квалификациясына ээ болгон.
2012-жылы Кыргыз-Өзбек Эл аралык университетине медициналык колледжине жалпы медициналык сабактар бирикмесине лаборанттык кызматка орношкон. Азыркы күнгө чейин ушул колледжде терапия, педиатрия акушердик сабактар бирикмесинде лаборанттык кызматта жана гуманитардык сабактар бирикмесинде маалыматтык технология жана кесиптик ишмердүүлүктү маалыматты камсыздоо сабагынан окутуучулук кызматта эмгектенип келе жатат. Учурда үй-бүлөлүү 3 уулдун сүйкүмдүү энеси.